शिकतो जेव्हा अ,आ,ई
तेव्हा दप्तर होते आई
माझ्या गंधासाठी सुगंधी
तू अत्तर होते आई
प्रश्न होते कठीण तेव्हा
आठवते मजला आई
अडल्या प्रश्नाचे कसे ग
सोपे उत्तर होते आई
जगताना उसवत जातो
तेव्हा अस्तर होते आई
जरा कुठे मी चुकल्यावर
कशी फत्तर होते आई
शाळेनंतर सांग कशी ग?
माझी मास्तर होते आई
जळमटेसारी पुसण्यासाठी
कधी डस्टर होते आई
देह जरी असेल हा नश्वर
तू तर ईश्वर होतेस ग आई
तुझ्याच गंधाने बाबा माझे
परमेश्वर होतात ग आई
नवनाथ ठोंबरे
औरंगाबाद
कोणत्याही टिप्पण्‍या नाहीत:
टिप्पणी पोस्ट करा