लग्न म्हणजे काय असतं.......

पेरणी...

केली पेरणी पेरणी
काळ्या शेतामध्ये छान
पंढरीच्या विठूराया
द्यावे पावसाचे दान..... ॥१॥
माझे ढवळ्या-पवळ्या
संगे चिमणी-पाखरं
गाणे गातात मस्तीने
सारी माझीच लेकरं..... ॥२॥
काळ्या-काळ्या ढेकळांना
लागे पावसाची आस
तरी कोसळेना नभ
फक्त होतसे आभास..... ॥३॥
यावे वरूणाने आता
बीज सुकायच्याआधी
द्यावे भरपूर पाणी
कोंब अंकुरण्याआधी..... ॥४॥
शेतामध्ये पसरला
सारा कष्टाचाच घाम
अवंदाच्या वर्षी तरी
मिळो मनाजोगा दाम..... ॥५॥
कष्ट करून जोमाने
पुन्हा फुलावे शिवार
काळ्या आईच्या कुशीत
सारे भिजावे आवार..... ॥६॥
यावा मृग लवकर
जावी मोहोरून शेती
याव्या पावसाच्या धारा
ओली व्हावी काळी माती..... ॥७॥

                   
                        लेखक - नवनाथ ठोंबरे
                                   औरंगाबाद

प्रेम............

प्रेम म्हणजे एक गंमत

तिखट गोड क्षणाची सुरेख संगत
प्रेम म्हणजे एक मजा
परीक्षा नावाच्या गोष्टीच्या सजा
प्रेम म्हणजे एक अपेक्षा भंग
अशक्य मिळवण्यात सदैव दंग
प्रेम म्हणजे एक गार वारा
उनाळ्यात पाऊस अन गारा
प्रेम म्हणजे एक संधी
कधीतरी येते दुःखाची मंदी
प्रेम म्हणजे एक सुगंध
अनपेक्षित सूत्राचा ऋणानुबंध
प्रेम म्हणजे एक आचार्य
कधीच न कळणार तात्पर्य
प्रेम म्हणजे एक व्यथा
जगण्या मरण्याची छान कथा
प्रेम म्हणजे एक आशा
पदरी न पडण्याची निराशा
प्रेम म्हणजे एक टोळका
अनेक विचारवंताचा घोळका
प्रेम नावाची गोष्ट अगदीच क्लिष्ट
काहींसाठी स्पष्ट तर काहींसाठी कष्ट

                            नवनाथ ठोंबरे
                              औरंगाबाद