कलावंत असतो का, इतरांपासून वेगळा?
अपयशाच्या भितीने येतो ना त्याच्या पोटात गोळा?
त्याच्यात असेल इतरांपेक्षा, थोडी अधिक सजगता
पण इतरासांरखीच असत त्याच्या दुःखाची गुणवत्ता!
कलावंताला जर मोठी, महत्वाकांक्षा असेल
तर मग तो खरा कलावंत कसा असेल?
कलाकार असतात का, कलेचे व्यापारी?
करतात ना कलेचे प्रयोग घेऊन सुपारी?
कलावंत का असतो, अधीर आणि व्याकुळ?
त्याच्या काळजात कशासाठी हंबरते गोकुळ?
कलावंत आणि रसिकांचे, जेव्हा संपते विभाजन
तेव्हा खऱ्या कलेचे , समजून येते प्रयोजन!
कवी - नवनाथ ठोंबरे
कोणत्याही टिप्पण्‍या नाहीत:
टिप्पणी पोस्ट करा