असे आहे आयुष्य ........

आयुष्य भर सोबत असून 

जवळ कधी बसत नाही 

एकाच घरात राहून 

एकमेकास  दिसत नाही 

 हरवला तो आपसातला 

 जिव्हाळयाचा  संवाद 

एकमेकास दोष देऊन 

नित्य चाले वादविवाद 

धाव धाव धावतो आहे 

 दिशा मात्र कळत नाही 

ह्रदयाचे पाऊल कधी

 ह्रदयाकडे  वळले नाही 

इतके जगून झाले 

 पण जगायला वेळ नाही 

जगतो आहोत  कशासाठी

 कसलाच काही मेळ नाही 

क्षण एक येईल असा

 घेऊन जाईल हा श्वास

 अर्ध्यावरच थांबलेला 

असेल  हा जीवन प्रवास 

अजूनही  वेळ आहे 

थोड तरी जगून घ्या 

 सुंदर अश्या या जगण्याला 

डोळे भरून बघून घ्या 

                                                        नवनाथ ठोंबरे